إزيك
هابى كريسماس
أنا عارف إن الحوار بقا بضان
وكمان معدناش لاقين كلام نقوله
كل الكلام بقا يخنق
وكمان أنا مبقتش بتكلم أصلاً
ولا بقيت بسمعك
دايماً سرحان مع نفسى
بقيت بدخل الجعبه كتير
و عارف إنك جيتى بالعافيه
وإن إتعملك حوار ملوش لازمه
بس كان ضرورى على الأقل نكون سوا ولو دقيقه
كلمت معظم أصحابى فى التليفون
بس لازم أتكلم معاكى إنتى لايف
تعرفى
أنا بقالى كام يوم بشغل لسته فيها أغنية
Nina Simone
Don’t Let Me Be Misunderstood
متكرره ورا بعضها كذا مره
يمكن خمسه
مش عارف إللى شاددنى ليها كده
إنك بتحبى صوتها ومزيكتها وحالتها زى ما أنا بحبها
ولا علشان إسم الأغنيه
بس الأغنيه حلوه جداً
أكيد إنتى عارفه كده
متأكد إنك سمعتيها
تعرفى
أحه بجد عليها
وأحه على المزيكا
ولا الكورس إللى عاملها مزيكا بصوته
بنت وسخه ملهاش حل
بس أحه تانيه كنت عايز نسمعها سوا
ومتشغليش بالك بأى حاجه فى لاشعورى
كسم اللاشعور إللى قاعدين نراقب ديك أمه
إحنا بقينا كده ليه
بقينا بنسمع لاشعور بعض بس
ومرعوبين كلنا من بعض
مع إنى زى ما إنتى عارفه معنديش إلا اللاشعور
بس قشطه
هوا ميه ميه
هوا كلنا لما نبقا واخدين راحتنا
هوا الإنسان قبل ما يبقى عبيط
قبل ما بقى بيعمل حساب لكل اللى حواليه
حتى لو ميعرفهمش
ومع إنك مش بابولينا
ولا أنا زوربا
بس كان نفسى أعملك لوحه زى إللى عملهلها
بس علشان أقولك إنك زى حورية البحر فعلاً
وإننا عاملين زى الكائنات الخرافيه
بس
بس تعرفى
الأحه الكبيره ليا أنا
أنا بقيت بخاف من كل حاجه
لاشعورى مفتوء
زيك بالظبط
مش علشان حاجه
بس كل حاجه بقت وجع دماغ
وبقيت حاسس إن ودنى مش موجوده إعزرينى
وزى ما قال زوربا
على باب الأطرش
هتفضل تخبط على طول
كله بقا خايف من كله
بمناسبة كله
الكلمه شبه كلمة كله اللى فيه ناس بتشدها تعمل بيها دماغ
قشطه يعنى حلو براحتهم
ما لو كانوا لقوا حاجه أنضف كانوا ضربوها
وجايز وصلوا لمرحله إحنا لسه موصلناش لها
مجربتهاش لسه
ومظنش هجرب أجربها
ومش عارف تأثيرها إيه
بس فيه ناس بيقولوا علينا بنشم كوله
يمكن دماغنا طبيعى كده لها دماغ الكله
بس عادى برضه
آل يعنى هما إللى ولاد نضيفه وإحنا ولاد اللى مش نضيفه
كلنا زى بعض
أل يعنى كل إللى بنشوفه ده مش تهييس
كلامهم وإشتغالاتهم
وإحنا مفشوخين أصلاً
وكمان قاعدين نفشخ فى بعض
والإخوان الشراميط لما لقوا الميدان بقا شبه فاضى
كل شويه بيغتالوا واحد
لسه ضاربين واحد رصاصه فى دماغه فى طلعت حرب
الفجر
تخيلى إغتيال
العصابه الحاكمه هيا اللى بتغتال
بدل ما نغتالهم إحنا
عادى الإسلامين تاريخهم كله إغتيالات
بس
مقلوبه قوى
الدنيا كلها ماشيه مفقلسه على دماغها
بس عادى خليهم يفرحولهم يومين
أو حسب ما الظروف تسمح لهم
الأوضاع بتتغير ده الطبيعى بتاعها
ومفيش حد بيفضل على وضع واحد
وممكن يجى اليوم إللى نديهم مقلب يخليهم يجروا
مقلب حتى محناش قاصدينه
حاجه تطلع من بضانهم
ويبصولنا وهما بيجروا بعض زى ما رجال الدين كانوا بيجروا من قدام خوازيق زوربا الطايره
بس بصراحه أنا مش متفائل كالعاده
بس برضه ممكن تتقلب الحكايه
أحه يعنى ما هو بعد ما الإخوان والسلفين بقوا بيحكموا بقا كل شئ ممكن
بس قشطه هما نفسهم فى نهايه للعالم علشان مستنين ما بعد النهايه
وشغلتهم المره دى يعجلوا بالنهايه
وكمان بيكبتوا الناس
علشان يعيشوا هما حالة هارون الرشيد
خخخخخخخ
رشيد قوى بالقوى
بس كسمهم
وعلى رئى واحد صاحبى بيفهم
هنلاعبهم
اللعب معاهم متعه
وكله ضحك وتهيس
صحيح مخنوقين لكن قشطه
وهما كمان كسم الكوميديا بتاعتهم
بعد رعب ألبير قلبوها إشتغالات
بيقولك مره واحد أقام على نفسه الحد وقطع إديه الإتنين
ومره أهالى بلغوا عن عيالهم
عشان بنت دول و إبن دول بيحبم بعض
ولما قالولهم حرام عليكم
قالولهم وعليكم الحرام
هع هع هع هع
كوميديا سوده
بس فل قوى
ممكن يجى اليوم اللى نقعد نضحك ونط ونرقص من الفرح
وإحنا بنفتكر مناظرهم وهما بيطفشوا
من الحق
شفتى مناظرهم نفسها
ولا لما يفتحوا بقوهم
مالحق إزيك يا سمعه
معلش بقا يا سمعه بقا عندنا بوقوا جديد
بس متخافش إنتا لسه بتضحكنا
يخرب عقلك يا سمعه
إنتا شكلك كنت عارف إن بوقوا هيبقى رئيس جمهوريه
وكنت بتتريق عليه ومخبى علينا
ماشى هنبلعها ونضحك
ماشى يا معلم
فاكر
كان الفلاح إجرى يا مشكاح لجل اللى عايش مرتاح
وأبو كرش كبير داير بانكير ف أوروبا عامل سواح
وفى إكس ليبان وعلى النسوان
وعلى الكونكان فى دوفيل وفى كان
بس دلوقتى يا معلم بقت
خيرت مان هايص فى دبى مع النسوان
هوا السيد والباقى عبيد وكلامه تقول قرأن
سجن وترابيس أحرار محابيس
والعجل أبيس داير تهليس
يسرق ويقولوا أمين
يكفر ويقولوا أمين
ويقولوا دا شيخ سجاده وولى وصاحب كرامات
معلش سبتك وبكلم إسماعين
بس إنتى هتعزرينى
أنا زيك بدور على حاجه أضحك عليها أو حد أضحك معاه
بس فل قوى
سيبك من أم كل ده
وإسمعى معايا الجميله
Sarah Vaughan
وهيا بتقول
Fly Me To The Moon
طب خلاص خلينى أروحك و أنا كمان مروح
الجو بقا متخلف زى كل حاجه
وأنا على رئى صديق
وأنا برد على صديقه وإحنا فى الحسين
إللى كان فاضى و بينش فى عز الموسم
كنا على الفيشاوى
لما سألنى عن سنى
كنت بقوله 32 وداخل كمان شهر وشويه فى ال 3 و …
فكمل هوا
داخل فى ال 53
على رأى الدكتور محمود عبد البديع
ما علينا
لما تروحى إبقى …
أه نسيت إنتى مبتشربيش
بس ممكن تعملى دماغ خروب
زى جمعه الشوان والريس زكريا
خساره مفيش عصاره قريبه
أقولك أنا هبقا أعمل قهوه
إنتى كمان إشربى قهوه
وإسمعى معايا
Black Coffee
من الست
Peggy Lee
😀
أنا عارف إنك جيتى على نفسك
وسبتينى أطرطر كل الكلام ده
أكيد كنتى عارفه إنى هطلع عينكى
بس قشطه يعنى ما أنا بسمع على طول
مره بقا من نفسى
تصعلق 